Kobbvåglaks held til i Herøy kommune, vest for Sandnessjøen i Nordland. Dagleg leiar Jan-Terje Mikalsen fortel at dei første gong tok i bruk Strømmenrør for eitt år sidan – og kjøpte to nye allereie i år.
«Den viktigste grunnen for at vi bruker Strømmenrør er for å sikre at miljøet er så pass bra som det kan være. Strømmenrør er enkel å ta ut og inn i merd. Det fungerer veldig bra.»
Kobbvåglaks har erfart at bruken av Strømmenrør gir betre vasskvalitet.
«Spesielt mens smolten er liten gikk den mot strømmen. Vi opplevde at det hjelper på appetitten i starten, og at fisken et litt bedre,» fortel Mikalsen.
Fjord Miljø er stolte over å samarbeide med ein oppdrettar som er opptatt av førebygging og fiskevelferd.
– Vi opplever at gjengen i Kobbvåglaks er svært dyktige og har ei realistisk og fornuftig innstilling til at førebygging krev målretta arbeid, seier dagleg leiar Paul Jacob Helgesen i Fjord Miljø.
Frå idé til vidareutvikling
Fjord Miljø starta i 2017 med slagordet «Merdmiljø er viktig for laksen». Det første produktet var nettopp Strømmenrør – utvikla for å gi næringa verktøy som kan førebygge mot lus utan å gå på bekostning av merdmiljøet og fiskevelferda. Den første versjonen vart testa i eit FHF-prosjekt i 2018, og sidan den gong har produktet utvikla seg mykje.
– Det var meir krevjande å montere den fyrste versjonen, mimrar Helgesen. – Difor er det ekstra kjekt å få slike tilbakemeldingar frå Kobbvåglaks, som har kjøpt fleire SR800 både i fjor og i år. Det er inspirerande å vite at det vi lager, kan hjelpe oppdrettarar å gi fisken betre forhold.
Ny versjon – fleire moglegheiter
Kobbvåglaks har ikkje opplevd spesielt låge oksygenverdiar, og fortel at SR800 flytter nok vatn for deira behov. Likevel ser Fjord Miljø at enkelte har behov for høgare vassutskifting.
– Vi har derfor utvikla ein kraftigare versjon med endå større kapasitet. Denne er grundig testa med dokumentert kapasitet, og er klar til Aqua-Nor 2025, fortel Helgesen.
Som norsk forhandlar av Poseidon sine life support system kan Fjord Miljø no tilby ei brei portefølgje for å sikre gode miljøforhold – uansett om merden er open, semilukka eller heilt lukka.
